آیت اللہ زکزکی کی طبیعت نہایت نازک، چلنے پھرنے کی صلاحیت کھو چکے ہے

0
354

نائجیریا میں اسلامی تحریک کے فعال رکن”یوسف حمزه” نے نامہ نگار سے گفتگو کرتے ہوئے کہا ہے کہ شیخ زکزکی طبیعت نہایت نازک ہوچکی ہے اب وہ چل بھی نہیں سکتے ہیں۔

واضح رہے نائیجیرین فوج نے شیخ زکزکی کے گھر پر حملہ کرکے انہیں سخت زخمی حالت میں گرفتار کیا تھا۔ علامہ کئی مہینوں سے بے جرم و خطا جیل میں پابند سلاسل ہیں اور کہا جاتا ہے کہ ان کی طبیعت ناساز گار ہے، نیجر حکمران عوام کی جانب سے بارہا مظاہروں اور ان کی رہائی کے مطالبوں کے باوجود کوئی مثبت قدم نہیں اٹھا رہے۔

یوسف حمزہ کا مزید کہنا ہے کہ نائجیریا کے وفاقی ہائی کورٹ نے اسلامی تحریک کے سربراہ شیخ ابراہیم زکزکی اور ان کی اہلیہ کی فوری رہائی کا حکم جاری کرنے کے باوجود انہیں رہا نہیں کیا جارہا ہے۔

یاد رہے کہ نائجیریا کی فوج نے گذشتہ سال حسینی عزاداروں پر حملہ کرکے 2 ہزار شیعہ مسلمانوں کو شہید اور زخمی کردیا تھا اور شیعہ مسلمانوں کے رہنما شیخ ابراہیم زکزکی اور ان کی اہلیہ کو زخمی کرکے نامعلوم جگہ پر منتقل کردیا تھا۔