سوچا نہیں تھا، اتنا گِر کر بولیں گے امت شاہ: کانگریس

نئی دہلی: کانگریس نے اپنی بنیاد پر سوال اٹھانے کیلئے بھارتیہ جنتا پارٹی (بی جے پی) کے صدر امت شاہ کے بیان پر آج شدید ردعمل کا اظہار کرتے ہوئے کہاکہ پارٹی نے نہیں سوچا تھا کہ وہ اس سطح تک گِر کر بیان دیں گے ۔

socha-congressflag-zeenews

کانگریس کے سینئر ترجمان کپِل سبل نے یہاں پارٹی کی معمول کی پریس بریفنگ میں نامہ نگاروں سے کہا کہ بی جے پی صدر نے کانگریس کی بنیاد میں نقص کی بات کہہ کر آزادی کی تحریک کے اہم لیڈر اور ملک کے پہلے وزیر اعظم پنڈت جواہر لال نہرو، سابق وزرائے اعظم اندرا گاندھی اور راجیو گاندھی کی طرف اشارہ کیا ہے ۔

انہوں نے مسٹر شاہ کا نام لئے بغیر ان پر شدید حملہ کرتے ہوئے کہا ‘جنہوں نے جیل کی ہوا کھائی، جو ریاست سے باہر کئے گئے ، جن کے خلاف قتل کے معاملے ہیں، وہ ہمیں بتائیں گے کہ کس کی بنیاد میں نقص ہے ‘؟
انہوں نے تعجب کا اظہار کرتے ہوئے کہاکہ بی جے پی سربراہ نے ملک کو آزادی دلانے والے پنڈت نہرو، ملک کے لئے قربان ہوئے راجیو گاندھی اور اس اندرا گاندھی میں نقص بتایا ہے جنہیں سابق وزیر اعظم اٹل بہاری واجپئی نے درگا کہا تھا۔

About Sub Editor